मतदाता नामावलीमा तपाईंको नाम छ कि छैन ? आफ्नो फोटोसहित यहाँबाट हेर्नुहोस् | जानकारी सक्दो शेयर गरिदिनुहोला | जानकारीको लागी तलको लिंकमा हेर्नुहोस।

http://election.gov.np/election/np/bbvrs

Read more »

Information,

Rate it :

रातो नम्बरबाट आउने फोनको के हो त वास्तविकता हेर्नुहोस यो भिडियो सहित

काठमाडौं- मोबाइलको स्त्रि्कनमा विशेष ध्वनिसहित रातो नम्बरबाट फोन आउने र आएको नम्बर उठाए दुर्घटना हुने हल्लामात्रै भएको पुष्टि भएको छ। केन्द्रीय अनुसन्धान ब्युरोको टोलीले नम्बरको रङ परिवर्तन गर्न मिल्ने एप्स प्रयोग गरी फोन गर्ने र दुर्घटना भएको अफवाह फैलाउने दुईजनालाई पक्रेपछि घटना मिथ्या भएको पुष्टि भएको हो। ब्युरोले एप्स प्रयोगबाट रातो नम्बरमा कल गर्ने दीपक बराइली र सो खबर सामाजिक सञ्जालमा बढाई चढाई पोस्ट गर्ने प्रश्ना पाण्डेलाई नियन्त्रणमा लिएको हो। 

गायिका प्रश्नाले आफूले गल्ती गरेको बताउँदै माफी मागेकी छन्। केही दिनयता सामाजिक सञ्जाल तथा केही अनलाइनमा यस्तै अफवाहसहितका खबर बढाई चढाई आइरहेका थिए। ब्युरोका प्राविधिक अधिकारीले बुधबार सञ्चारकर्मी माझ रातो नम्बर आउने एप्सबाट फोन गरी देखाएका थिए। रातो नम्बरबाट फोन आउने सत्य भए पनि त्यसबाट कुनै असर नपर्ने प्राविधिकले जानकारी दिएका हुन्। केही दिनअघिदेखि सामाजिक सञ्जालमा पोस्ट भइरहेका यस्ता सामग्रीको त्रासले गौशालाका एकजना अस्पतालसमेत पुगेका थिए। गौशाला प्रहरीका अनुसार सिनामंगलमा रहेको केएमसी अस्पतालमा उपचारपछि घर फर्किएका उनी रातो नम्बर आएपछि अत्तालिँदा बिरामी भएका हुन्। ब्युरोका प्रमुख डिआइजी नवराज सिलवालले केही दिनयता सामाजिक सञ्जालमा फैलिएको हल्ला र अफवाहको सत्यता बाहिर आएको बताए।

 उनले समाजमा आतंक फैलाउने गरी अफवाह गर्नु गम्भीर अपराध भएको बताउँदै प्रविधिजन्य अपराधमा संलग्न पाण्डे र बराइलीलाई आवश्यक कारबाही हुने जानकारी दिए। 'रातो नम्बर एप्सको प्रयोगबाट देखिएको हो, हल्लाका पछाडि नलाग्न र यस्ता खबर सामाजिक सञ्जालमा नराख्न अनुरोध गर्छौं', डिआइजी सिलवालले भने। महानगरीय प्रहरी वृत्त गौशालाको सम्पर्कमा आएका तीन घटनामध्ये एकजना बिरामी भएको डिएसपी नवराज कार्कीले बताए। उनका अनुसार घटनाको जानकारी आएपछि अस्पतालमा सम्पर्क गर्दा त्रासका कारण बिरामी भएको जानकारी चिकित्सकले दिएका हुन्। 

 शिक्षण अस्पताल महाराजगन्जका वरिष्ठ मनोचिकित्सक सरोज वझाले तनाव सहन नसक्ने कमजोर मन भएका व्यक्तिलाई यस्ता घटनाले बिरामी बनाउने बताए। उनका अनुसार यस्ता व्यक्तिको मनमा पहिलेबाटै त्रास हुने र घटना भए तत्काल बेहोससम्म हुने गर्छन्। 'मानसिक रुपमा पहिलेबाट त्रासमा रहेका कमजोर व्यक्ति प्रभावित हुन्छन्। यस्ता मिथ्या विषयमा नसोच्ने र भरसक सत्य जान्न प्रयास गर्नुपर्छ,' वझाले नागरिकसँग भने।


<iframe width="813" height="480" src="https://www.youtube.com/embed/QnkDXxTD30k" frameborder="0" allowfullscreen></iframe>

Read more »

Information,

Rate it :

गल्याङ–चापाकोट–दामाचौर ग्रामीण सडकखण्ड निर्माण सुरु भएको २४ वर्षपछि ग्राभेल

पुस १७, २०७३- 

यहाँको गल्याङ–चापाकोट–दामाचौर ग्रामीण सडकखण्ड निर्माण सुरु भएको २४ वर्षपछि ग्राभेल हुने भएको छ । हालसम्म बेवारिसे जस्तै भएको यो सडकखण्ड व्यापारिक तथा अन्य दृष्टिकोणबाट महत्वपूर्ण मानिन्छ । जिल्लाको क्षेत्र नम्बर तीनअन्तर्गतका अधिकांश गाविसहरुलाई राजमार्गसँग जोड्ने यो सडक ग्राभेल हुने भएपछि स्थानीयहरु निकै हर्षित छन् । यहाँको चारवटा नगरपालिकामध्येको चापाकोट नगरपालिकालाई यही सडकखण्डले जोड्दछ । 

कृषि उपज उत्पादनको दृष्टिकोणबाट समेत महत्वपूर्ण मानिने यो क्षेत्र सिदार्थ राजमार्गसँग जोडिने भएपछि उत्पादित कृषि उपजले सहजका साथ बजार पाउने भएपछि यहाँका कृषकहरु दंग छन् । २४ वर्षअगाडि ट्रयाक खोलीएको भए तापनि यो सडकखण्ड खाल्डाखुल्डी र साँघुरो भए तापनि यसको बाबजुद ठूलो जोखिम मोलेर केही सवारी साधनहरु चल्दै आएका थिए । यो खण्ड ग्राभेल भएपछि सिद्धार्थ राजमार्गको गल्याङदेखि चापाकोट नगरपालिकासम्म करिब ४५ मिनेटमा आवतजावत गर्न सकिन्छ । यसभन्दा अगाडि साना सवारी साधनहरुलाई समेत करिब ३ घण्टा समय लाग्थ्यो । 

गल्याङदेखि चापाकोटसम्म कूल २६ किलोमिटरमध्ये करिब २३ किलोमिटर सडकखण्ड ग्राभेल हुने र त्यसलगत्तै कालोपत्रे समेत गरिने निर्माणाधीन सडकका अध्यक्ष बुद्धिमान श्रेष्ठले बताए । उनका अनुसार आर्थिक वर्ष ०७२/०७३ मा राष्ट्रिय योजना आयोगअन्तर्गतको रातो किताब भाग १ मा पर्न सफल यो सडकखण्ड बहुवर्षीय ठेक्कामा २३ करोड रुपैयाँ विनियोजन भई सम्झौता कार्य सम्पन्नपश्चात् काम थालनी भएको हो । ‘लामो समयदेखि जोखिमपूर्ण अवस्थामा सवारी साधनहरु चल्दै गरेको यो सडकखण्डमा कसैले ध्यान नदिँदा स्तरोन्नती हुन सकेको थिएन । अब भने यसलाई कालोपत्रेसम्म गराइछाड्ने अठोट लिएका छौं । यो सडकखण्ड साँघुरो र जोखिमपूर्ण भएकाले फराकिलो गर्ने कार्य समेत सँगसँगै भएको छ ।’

 गल्याङको बुटवल पावर कम्पनीदेखि पूर्व दामाचौरसम्म ग्राभेल कार्य नै पहिलोपटक थालिएको हो । जिविसको न्यून बजेटबाट निर्माण गरिने भनिए तापनि लामो समयसम्म जिविसद्वारा छुटाइएको बजेट कच्चीसडकको खाल्डाखुल्डी पुर्न मात्र सीमित बनेकोले यो सडकखण्ड नै बेवारिसे बन्न पुगेको उनले बताए । 

 यो सडकखण्ड पहिलोपटक भौतिक मन्त्रालयअन्तर्गत १ नम्बर योजनामा पर्न सफल भएपछि ग्राभेल सुरु गरिएको उनको भनाइ छ । यति लामो समयसम्म पनि राम्रोसँग मर्मत समेत हुन नसकेको यो सडकखण्ड ग्रामीणस्तरकै लामो दूरी, अनगिन्ती घुम्ती, साँघुरो खाल्डाखुल्डीयुक्त भएका कारण निकै जोखिमपूर्ण यात्रा गर्न बाध्य त्यहाँका स्थानीय अब भने सजिलो र छोटा समयमै राजमार्गसम्म पुग्न सक्ने छन् । सवारी साधनको नाममा मोटरसाइकल र जीपहरु मात्र चल्दै आएको यो सडकखण्डमा अब भने ठूला सवारी साधन साथै यहाँबाट लामो दूरीसम्मका सवारी साधनहरु छुट्ने छन् ।

 जोखिम भएकै कारण यसभन्दा अघि चल्दै आएका मिनिबससम्मका सवारी साधनहरुलाई बन्देज लगाइएको थियो । नाली काटेर साढे ८ मिटर चौडाईका साथ २३ किलोमिटर सडक ग्राभेल गरिने र ग्राभेलपश्चात् कालोपत्रे गरिने योजना रहेको इन्जिनियर विष्णु पाण्डे बताउँछन् । ‘

दुई वर्षको लागि सम्झौता भएको यस सडकखण्डमा धमाधम काम भइरहेको र तोकिएको समय अगावै योजना मुताविकको काम सम्पन्न गरिने छ ।’ उनले भने, ‘ग्राभेल पछि लगत्तै कालोपत्रे नगरिने हो भने जोखिमयुक्त सडकमा झन् थप जोखिम सृजना हुन्छ ।’ उनले लामो दूरी र दैनिक रुपमा धेरै सवारीसाधनहरु आवतजावत गर्न सक्ने भएकाले साँघुरो बाटोलाई थप फराकिलो बनाउनुपर्ने बताए । 

Read more »

Daily News,

Rate it :

नेपालमा उपलब्ध कुन-कुन मोबाइलमा फोर-जी चल्छ ? (सूचीसहित)

१७ पुस, काठमाडौं । 

तीब्र गतिको मोबाइल इन्टरेनट ‘फोर-जी’ नेपालमा पनि सुरु भएको छ । नेपाल टेलिकमले आजदेखि काठमाडौं र पोखराका जिएसएम पोष्टपेड प्रयोगकर्ताका लागि फोर-जी सेवा थालेको छ । एनसेलले फोरजी इन्टरनेट चलाउन तयारी गरिरहेको छ ।

 जुनसुकै मोबाइल फोनमा फोर-जी इन्टरनेट चल्दैनन् । यसका लागि फोर-जी चल्न सक्नेगरी बनाएका (फोर- जी कम्प्याटिबल) फोन जरुरी हुन्छ । नेपालमा हाल बिक्री भइरहेका मोबाइल ब्राण्डका सवै मोडलमा फोर-जी सेवा चल्दैन । सामसुङ, हुवावे लगायतका चल्तीका ब्राण्डका धेरै मोडलमा पनि फोर-जी सेवा चल्दैन । 

यदि तपाईं फोरजी सेवा चलाउन चाहानुहुन्छ भनेयो सेवा चल्ने मोबाइल नै किन्नुपर्ने हुन्छ । हाल नेपालमा उपलब्ध कुन-कुन ब्राण्डका कुन मोडलमा फोरजी सेवा उपलब्ध छ भनी हामीले एउटा सूची बनाएका छौं । यदि नयाँ मोबाइल किन्न खोज्दै हुनुहुन्छ भने तपाईंलाई यो सूचीले पक्कै सहयोगी हुनेछ ।

Read more »

Information,

Rate it :

टेलिकमको फोर जी कसरी चलाउने ? जान्नै पर्ने ७ कुरा

नेपाल टेलिकमले आइतबार चौथो पुस्ताको मोबाइल इन्टरनेट सेवा 4G लन्च गरेको छ । हाल यो सेवा काठमाडौं र पोखरामा मात्र उपलब्ध हुनेछ । टेलिकमको 4G कसरी चलाउने भन्ने धेरैलाई जिज्ञासा हुनसक्छ । 

जान्नुस् ७ कुराः 

 मोवाइलमा 4G चल्छ कि चल्दैन कसरी जान्ने ?

तपाईंको मोवाइल फोनको नेटवर्क सेटिङमा गई फोनले कुन-कुन प्रविधिमा काम गर्छ हेर्न सकिन्छ । उपलब्ध बिकल्पमध्ये 4G/LTE रहे नरहेको यकिन गर्नुहोस् । साथै नेपाल टेलिकमको नेकवर्कमा 4G/LTE सेवा सुचारु गर्नका लागि मोबाइलले १८०० मेगाहर्ज ब्याण्डमा काम गर्छ भन्ने सुनिश्चित गर्न फोनको स्पेसिफिकेसन हेर्नुहोस् ।

 सिममा चल्छ कि चल्दैन ? 

तपाईंले आफ्नो मोबाइलबाट स्टार ४४४ हृयास डायल गरी प्राप्त निर्देशन अनुसार सिम परिक्षण गर्न तथा 4G सेवा सुचारु गर्न सक्नुहुन्छ । 

 4G चल्ने सिम कसरी पाउने ?

 *४४४# डायल गर्दा यदि तपाईले हाल चलाइरहनु भएको टेलिकमको सिममा 4G नचल्ने रहेछ भनेर अपग्रेड गर्नुपर्छ भनेर सन्देश आउँछ । यदि अपग्रेड गर्नुस् भन्नेसन्देश आएमा काठमाडौं उपत्यकामा दूरसञ्चारका कार्यालयहरु चावहिल, हात्तीगौंडा, गोंगवु, सुन्धारा, छाउनी, बबरमहल, जावलाखेल, साझा भवन, ठिमी र भक्तपुर तथा पोखरामा दूरसञ्चार कार्यालय महेन्द्रपुलबाट नियमित प्रक्रियामार्फत फोर जी चल्ने यु-सिम प्राप्त गर्न सकिने नेपाल टेलिकमले जनाएको छ । 

 शुल्क

4G सेवा सुरु गर्न कति लाग्ला भन्ने धेरैको जिज्ञाशा हुनसक्छ । तर, यसमा आत्तिनु पर्ने केही छैन । यो सेवा सुरु गर्न कुनै शुल्क लाग्दैन । 

कुन APN प्रयोग गर्ने ? 

 4G सेवाको लागि प्रयोगमा आएको ntnet वा ntwap मध्ये कुनै एक APN तपाईंको मोवाइलमा प्रयोग गर्न सकिन्छ । 

 महंगो होला कि ? 

 3G भन्दा धेरै गुणा फास्ट हुने भएकाले महंगो होला कि भन्ने हुनसक्छ । तर, फोर जी सेवा 3G सेवाकै दरमा उपलब्ध गराइने टेलिकमले जनाएको छ । नेपाल टेलिकमले आफ्ना ग्राहकहरुलाई बिभिन्न प्याकेजहरु नियमित उपलब्ध गराउँदै आएको छ । प्याकेजका बारेमा टेलिकमको आधिकारिक वेवसाइटमा अवलोकन गर्न सकिनेछ ।

 हालको डाटा प्याकेज के हुन्छ ?

 टेलिकमका अनुसार हाल भएको डाटा प्याकेज सेवा अवधिभर उपयोग गर्न सकिने टेलिकमले जनाएको छ । साथै 4G सेवा सुरु भइसक्योर नेटवर्क कभरेज क्षेत्रमा हुनुहुन्छ भने 4G को स्पिडमै पुरानै प्याकेज उपयोग गर्न सकिनेछ । साथै 4G सेवा सम्वन्धी कुनै जिज्ञासा भएमा ग्राहक सेवा केन्द्रको नम्बर १४९८ मा सम्पर्क गरेर पनि बुझ्न सकिने नेपाल टेलिकमले जनाएको छ ।

Read more »

Information,

Rate it :

फेरिँदै वालिङ

पुस ९, २०७३- राजमार्ग खुल्दा त्यसले आउजाउसँगै आसपासको क्षेत्रबाट बसाइसराइ पनि बढ्छ । व्यापार बढ्छ, गाउँ बजारमा रूपान्तर हुन्छन् । स्याङ्जाको तीव्रतर सहरीकरणतर्फ लम्केको बजार वालिङका हकमा पनि यस्तै भएको छ ।

स्थानीय दिलीपप्रताप खाँड भन्छन् ‘२१/२२ सालसम्म पनि स्याङ्जाबाट सामान लिन बटौली (बुटवल) हिँडेरै जानुपथ्र्यो । खुद्रा व्यापार गर्नेहरू पनि फाट्टफुट्ट मात्रै थिए ।’ राजमार्ग बनेसँगै आसपासका गाविसबाट बसाइ सर्नेको लर्को चलेको उनले बताए । ‘राजमार्ग बनेपछि बुटबलबाट सामान गाडीमा आउन थाल्यो,’ उनले भने, ‘व्यापार यहाँ मात्रै चलेन– पर्वत, पोखरा पनि समान पठाउन सजिलो भयो ।’ त्यसयता क्रमिक रूपमा बढदो व्यापारसँगै बसोबास बाक्लिन थालेको उनले बताए ।

२०६८ को जनगणनामा वालिङ बजारमा स्थायी बसोबासीको संख्या २४ हजार देखाएको छ भने अस्थायी बसोबासीको संख्या ५४ हजार उल्लेख छ । हालको वालिङ बजार प्राचीनकालमा बाइसे र चौबीसे राज्यअन्तर्गतको गह्रौकोट राज्यको घ्याङलिङ (दरबार भएको क्षेत्र) का रूपमा बुझिन्थ्यो । अन्तिम राजा श्रीभक्त खाँडले गोर्खालीसँग युद्ध हारे । वालिङ बजारमाथिको भिरालो डाँडामा फूलबारी र पेखु नामका दरबार बनाएका थिए ।

तीनवटा दरबार बनेपछि मुनिका जग्गा समथर भई फाँट बन्ने । मैदानलाई खेत बनाई तत्कालीन अवस्थामा ‘वाली’ नामको गीत गाउँदै रोपाइँको चलन सुरु भयो । गीतको चलन वालीबाट अपभ्रंश हुँदै वालिम र पछि बोल्न सजिलोका लागि वालिङ भनिन थालिएको पुराना बुज्रुक बताउँछन् ।

आँधीखोलाका कारण सिँचाइ सजिलो थियो । २०२२ मा सिद्धार्थ राजमार्ग निर्माणका क्रममा वालिङ मोडबाट भुम्रे हुँदै वालिङसम्म करिब ३ किमि सडक एसपीआरले बजारवरिपरि बनाइदियो । यहाँ घर निर्माणको क्रम बढयो । वालिङ सहरीकरणका साक्षीसमेत रहेका खाँड भन्छन्, ‘राजमार्गले बसाइ सजिलो पार्‍यो, व्यापार, शिक्षा, स्वास्थ्योपचारका लागि आवागमनले मान्छे ओइरिएका हुन् ।’ गाउँमा पुख्र्यौली घर भए पनि वालिङ झरेर घडेरी र जग्गा किन्नेको होड चल्दाचल्दै सहरीकरण भएको उनले बताए । ५८ वर्षीय पूर्वशिक्षक भरत बगाले भन्छन्, ‘स्कुल खुलेपछि पनि वालिङमा आउनेको बसाइ सहज भएको हो ।’ 

वालिङ नगरपालिकाका पूर्वमेयर ६० वर्षीय भोजराज अर्यालको अनुभवमा क्रमिक विकास भए पनि फडको मारेको २०४६ को आन्दोलनपछि हो । ‘जिल्लामा राजनीतिक चेतनाका हिसाबले सचेतको संख्या वालिङमै धेरै भयो, ०४६ सालको आन्दोलनपछि वालिङमा सहरीकरण चाँडो भएको हो,’ उनले भने, ‘वालिङ विकासका हिसाबले देशभरिकै नमुना नगरपालिका र राजनीतिक रूपमा समेत जिल्लाकै प्राथमिकतामा पहिलोमा पर्छ ।’

वालिङ, पेखुबाघखोर र धनुवासे मिलाएर २०५३ माघमा वालिङ नगरपालिका घोषित भएपछि इलाका प्रशासन, वडा प्रहरी, नापी, मालपोतलगायत विभिन्न कार्यालय खुले । प्रशासनिक कामकाजका लागि सदरमुकाम धाइरहनु नपर्ने भयो । पशुपालन, बाख्रापालन, तरकारी र खाद्यान्न उत्पादनका लागि पकेट क्षेत्र बन्यो । यहाँका छाङछाङदी र गैह्रासुरजस्ता धार्मिक पर्यटकीय क्षेत्र पनि प्रचारमा आए ।

वालिङ उद्योग वाणिज्य संघका अध्यक्ष शोभाकान्त पौडेलका भनाइमा बुटबल र पोखरा आउजाउको बीच बाटोमा परेकाले वालिङ पायक पर्ने सहर बनेको हो । जडीबुटी, कृषि उपज, पर्यटन र जलविद्युतका दृष्टिले सहज हुनुका साथै पोखरामा क्षेत्रीय अन्तर्राष्ट्रिय विमानस्थलको निर्माणपछि वालिङले अझ फाइदा पाउनेमा व्यवसायी आशावादी छन् ।

प्रकाशित: kantipur.ekantipur पुस ९, २०७३

Read more »

Daily News,

Rate it :

स्मार्ट लाइसेन्समै देखियो ५ गम्भीर त्रुटि

८ पुस, काठमाडौं । 

काठमाडौं धापासीका अनिल सापकोटाले स्मार्ट लाइसेन्स निकालेको १ वर्ष पनि भएको छैन । तर, उनका लागि यो ‘कवाडी’ जस्तै भइसकेको छ । नहोस् पनि किन स्मार्ट लाइसेन्सको रंग उडेको छ । चिप्स पनि उप्किएको छ, जसलाई उनले ‘ग्लु’ लगाएर टाँसेका छन् । गतवर्षको मंसिरमा सरकारले निकै फूर्तिका साथ सवारी चालक अनुमतिपत्रलाई स्मार्ट कार्डमा रुपमा जारी गर्न सुरु गर्‍यो । त्यसका लागि करोडौं रुपैयाँ रकम खर्च भएको छ । तर, एक वर्ष नहुँदै स्मार्ट लाइसेन्समा धेरै समस्या देखिन थालेको छ र सुरक्षित र आधुनिक भनिएको स्मार्ट लाइसेन्स बोक्नेहरु ‘पुरानै ठिक’ भन्न थालेका छन् । कारण सरकारले जारी गरेको स्मार्ट लाइसेन्समा अनेकन प्राविधिक गल्तीमात्रै छैनन्, यसको बनेट पनि निकै कमसल छ । यसले स्मार्ट लाइसेन्सको छपाइमा आर्थिक चलखेल भएको आशंकालाई थप बल दिएको छ । यसमा अनेकन त्यस्ता त्रुटी भेटिएका छन्, जसले स्मार्ट लाइसेन्सलाई नै असफल गर्ने खतरा बढाएको छ ।  

१. ‘गैह्र व्यवसायिक लाइसेन्स’ 

 स्मार्ट लाइसेन्समा प्रमुख भागमै ठूलो त्रुटी गरिएको छ । सबै लाइसेन्समा ‘नन-प्रोफेसनल ड्राइभिङ लाइसेन्स’ अर्थात गैह्र ब्यवसायिक सवारी चालक अनुमतिपत्र लेखिएको छ । यो निजी गाडी हाँक्नेहरुका लागि ठीकै छ । तर, व्यवसायिक रुपमा गाडी चलाउने र ड्राइभिङलाई नै पेशा बनाउने ठूलो समूहका लागि यो गम्भिर समस्या बनेको छ । विशेष रुपमा ड्राइभिङका लागि विदेशमा जानेहरु समस्यामा पारेको छन् । विदेशको जस्तै निजी गाडी चलाउनेका लागि नन प्रोफेसनल र व्यवसायिक रुपमा गाडी चलाउनेका लागि प्रोफेसनल लेखिएको लाइसेन्स जारी गर्ने योजनामा विभाग थियो । त्यसैअनुसार ऐन परिमार्जन हुने भन्दै यसमा सुरुवातमा दुई वटै शब्द राख्ने गरी डिजाइन भएको थियो । तर, लाइसेन्स छाप्दा ऐन नै नवनेको भन्दै ‘ननप्रोफेशनल’ शब्द लेखेर लाइसेन्स छापियो । यो लाइसेन्स अहिलेको ऐन विपरित पनि देखिएको छ । किनभने अहिले ऐनमा लाइसेन्सलाई प्रोफेसनल र ननप्रोफेसनल भनेर छुट्ाउने ब्यवस्था गरेको छैन । विभागले गरेको गल्तीले विदेशमा धेरै युवाले सास्ती भोगेका छन् । विशेष गरी कम्पनीको गाडी, ट्याक्सी लगात गाडी चलाउन जानेहरुलाई साउदीमा पुगेपछि ‘नन प्रोफेशनल’ शब्दका कारण त्यहाँको लाइसेन्स नै नबनाउने नपाउने समस्या बढेको छ । यो सख्या बढ्दोछ । 

 २. क्याटेगोरी अस्पष्ट 

 स्मार्ट लाइसेन्समा सवारी लाइसेन्स बाहकले कुन क्याटेगोरीको गाडीमा लाइसेन्स पाएको भन्ने पनि स्पष्ट छैन । विभागले ‘ए’, ‘बी’, ‘सी’, ‘डी’, ‘इ’ वर्गमा स्मार्ट लाइसेन्स जारी गर्छ । तर, यो लाइसेन्समा ‘ए’ बर्गको लाइसेन्स लिएकाले कुन-कुन सवारी चलाउन पाउने भन्ने नै उल्लेख छैन । विभागका अधिकारी भने स्मार्ट लाइसेन्सको जोडिएको चिपको डाटामा यो विवरण राखिएको बताउँछन् । यसले नेपालमा खासै समस्या पारेको छैन । धेरै ट्राफिक प्रहरीलाई बर्गबारे थाहा पनि छ । तर, विदेशमा भने क्याटेगोरी अष्पष्ट हुँदा निकै समस्या परेको छ । किनकी विदेशमा नेपाली स्मार्ट लाइसेन्स ‘रिड’ गर्न मिल्दैन । 

 ३. नचिनिने फोटो

 विभागले त्यत्रो तामझामका साथ जारी भएको स्मार्ट लाइसेन्स ‘स्मार्ट’ क्वालिटीको छैन भन्ने प्रमाण हो-श्यामश्वेत -ब्ल्याक एण्ड ह्वाइट) फोटो । स्मार्ट लाइसेन्समा ब्ल्याक एण्ड ह्वाइट फोटो किन प्रयोग गरियो भन्ने जवाफ दिन विभागका कुनै अधिकारी मान्दैनन् । यसअघि वितरण भएको लाइसेन्समा रंगिन फोटो नै प्रयोग गर्ने गरिन्थ्यो । यो सादा फोटोले ट्राफिक प्रहरीलाई बढी समस्यामा पारेको छ । यसमा हालिएको फोटोमा ब्यक्तिको अनुहार नै स्पष्ट देखिँदैन । निकै धमिलो फोटो स्मार्ट लाइसेन्समा छ । स्मार्ट लाइसेन्सको रंग पनि बिस्तारै उड्न थालेको सेवाग्राही बताउँछन् । यसले गर्दा लाइसेन्स बाहकलाई सन्तुष्ट गर्न सकेको छैन । 

 ४. उप्किने चिप्स 

 स्मार्ट लाइसेन्सलाई सुरुमा निकै उपयोगी र सुरक्षित भनेर प्रचार गरिएको थियो । तर, केही लाइसेन्सबाहक लाइसेन्समा राखिएको चिप्स नै उप्किएको भन्दै विभागमा पुग्न थालेका छन् । स्मार्ट लाइसेन्समा जोडिएको चिप्स नै उप्किएपछि त्यसमा राखिएका डाटा सबै असुरक्षित हुने खतरा बढको छ । यसले लाइसेन्स बाहकलाई समस्यामा पारेको छ । प्रायः धेरैको पर्समा लाइसेन्स हाल्ने प्रवृत्ति छ । पर्समा राख्दा-राख्दै चिप्स उप्किने गरेको छ । यसअघिको लाइसेन्स पर्समै राख्दा पनि खासै समस्या छैन । 

 ५. अञ्चल/प्रदेश अष्पष्ट 

 स्मार्ट लाइसेन्सको अर्को कमजोरी हो जारी गर्ने कार्यालय नखुल्नु । विभागले कोडमा रहने गरी लाइसेन्समा यसलाई उल्लेख त गरेको छ । तर, यो विषयमा जानकारी राख्नेले मात्रै यो जान्न सक्छ । सर्वसाधारणले स्मार्ट लाइसेन्स हेरेर कुन अञ्चल कार्यालयबाट जारी भएको भन्न सक्दैन । 

 र, स्मार्ट जाँच्ने मेसिन छैन 

 विभागले अहिलेसम्म १ लाख २८ हजार स्मार्ट लाइसेन्स जारी गरिसक्यो । बिडम्बना, अहिलेसम्म ट्राफिक प्रहरीसँग यो लाइसेन्स जाँचने उपकरण ३ वटा मात्रै छ । अहिले फिल्डमा हुँदा ट्राफिक प्रहरीले स्मार्ट लाइसेन्स चेक गर्न पाएका छैनन् । स्मार्ट लाइसेन्स लिनेको संख्या बढ्दै जाँदा पनि विभागले ट्राफिक प्रहरीलाई थप ह्याण्ड रिडर उपलब्ध गराएको छैन । ट्राफिक प्रहरीले अहिले स्मार्ट लाइसेन्स बाहकलाई कारवाही गरे त्यसलाई ढड्डामा रेकर्ड राखिरहेको छ । यसअघिका लाइसेन्समा प्वाल पार्ने गरिएपनि यो कार्ड भ्वाङ पारिदैँन । ट्राफिकले कारवाहीको रेकर्ड राख्न स्मार्टको सफ्टवेयरमा अझै ‘एक्सेस’ पाएको छैन । जसले स्मार्ट लाइसेन्स ट्राफिक प्रहरीको टाउको दुखाइ नै बनेको छ ।

Read more »

Information,

Rate it :